عاوز احكى

يمكن جواى مشاعر كتير واحاجات انا عاوز احكيها وقول عنها حتى ولو مع نفسى ساعات بحس انى انا مخنوق وعلى صدرى حمل كتير كل اللى انا محتاجه انى اتكلم والاقى حضن اترمى فيه مش اكتر .. من صغرى كان البحر هو صديقى وحبيبى اللى بقعد على شاطه واحكيله كل اللى جواى احكيه كانت الموجه اللى بقوله كلمه بتاخدها وتروح بعيد ومش بترجع تانى وبتيجى واحدة غيرها وهكذا كنت بحس ان موج البحر بيغسلنى من جواى 0
لكن منين اخد الحضن يا بحر ازاى احس باللمسة اللى انا محتاحجها ؟؟؟؟؟؟؟؟؟؟؟؟؟؟؟؟؟؟؟؟؟
يمكن حياتى كلها اسرار فى اسرار كل خطوة بعتبرها سر لما اتملت اسار الناس بتحب فيا انى انا كتوم وكلى اسرار بس انا تعبت نفسى احكى نفسى اشيل من على صدرى حاجات كتير عشان كدا قررت انى احكيلك يا مدونتى كل حاجة يمكن دا الوقت اللى يمكن فيه ابطل اللبس قناع المجتمع الخادع اللى كل يوم بالبسه وانزل بيه الشغل والشارع والنادى كل مكان احكى يا مدونتى وارتاح واحس انى انا انسان بدون قناع على الاقل وانا هنا

صالحت نفسى

عاوز اقول لمدونتى المتواضعه دى انها واحشتنى كتيررررررررر انا اول مرة اكتب فيها كان من سنه كنت يومها مخنوق قوى ومش لاقى اى حد اكلمه غيرك يا مدونتى العزيزة . عاوزك تسمحينى عن طول فترة البعد متعرفيش اد ايه من احزان وافراح عدت على وتغيرات وحاجات كتير جديدة عاوزة احكيلك عنها كلها .

انا النهاردة بكتب وانا مقتنع بنفسى كشخص مثلى اتولدت بطبيعتى مثلى بدون اى تدخل او اكتساب أو تحرش جنسى يمكن عارف ان كان دا صعب او مستحيل انى اعترف بنفسى بس انا كتير مبسوط ومرتاح انى عرفت نفسى بعد طوال عذاب وحيرة ما بين غريزة ومشاعر جواى ما بين مجتمع ودين ز لكن فى النهاية انا متقبل نفسى وانا انسان عادى قادر انى اعطى واكون انسان مفيد لمجتمعى مش كونى مثلى الجنسية انى انا ماكينة جنس او انسان عقله بين رجليه .

انا الحمد لله ناجح فى عملى فى حياتى فى علاقاتى مع الناس بحب ربنا وبسكر على كل شى بيعطينى اياه بشكر على مثليتى لانه ممكن كان عاوز يقولى انى انا مميز وسط ناس . بحبك يارب على كل ما عطيتنى وانا عارف انك يارب بتحبنى مش لانى مثلى لكن بتحبنى لانى انا عبدك لانى بحاول اكون انسان صالح

من أنا ؟؟

يمكن انا مش عارف اقول ايه لان دى اول مرة اكتب فيها لانى اتعودت انى اكتب على الورق وبعدها اقطعها او ارميه يعنى انا مش محترف كتابه انا فقط بشوف ان مشاعرى واحاسيسى بخاف اطلعا لاى حد تكون نقطة ضعف على فبلجا انى اكتبها وبعدين اقطعها يكون امان لى طبعا اللى هيقراء هيقولى وايه هى المشاعر والاحاسيس دى صدقنى كلها مشاعر حب بداخلى حب ينمو بين جوانحى ولكن بكونى اعيش فى مجتمع شرقى صور لى ان هذا الحب ممنوع وانه عيب حاولت كتير انى محبش لكن لقيت نفسى غصبا عنى بحب . حب ان يكون لى صديق وحبيب وعاشق حب من قلب لقلب بدون اى مقابل حب اشعر به من لمسته من نظرة عنيه حب يجعلنى ادوب فيه يفهمنى وافهمه يمكن ملقيش الحب دا بس هعيش ادور عليه وهطلب من ربنا انى القيه دى هى المشاعر اللى جواى اللى بعبر عنها فى كتابتى البسيطة فهل ياتى على يوم وتكون هذه المشاعر فى النور ربنا هو اللى يعلم .
انا اللى عاوز اقوله للناس انى انا انسان عادى عايش وسطيهم يمكن محدش يعرف اللى جواى او الحرمان اللى بداخلى لكن انا عايش شخصين شخص نفسه ينطلق ويعيش ويحب فقط لانه يحب وشخص اخر يخاف من تقاليد مجتمع ظالم لا يعرف للحرية طريقا فانا لا اوذى احد كل اللى انا عاوزه انى احب دا ابسط حقوقى كانسان لكن المجتمع حرمنى منها وصب على لعناته انى انسان مختلف وشاذ ومصيرى العذاب والجحيم لماذا كل هذا انا لم ارتكب جريمه كل ما اريده الحب . فتعالى يا حبيبى ولا تجعلنى انتظر كثيرا فانا اريد ان اذهب معك بعيداااا انا وانت كى ارتمى بين ذراعيك اسمعك خفقات قلبا احبك قبل ان يراك فهل تاتى يوما لتلامس يدى يداك فتعالى ولا تتركنى وحيدا كعصفورا يحلق فى السموات بحثا عن عشا له فلا يجد سوى شتاء قارص وبرودة مميته فى عالم نسى او تناسى معنى الحب . فاننى اريد دف مشاعرك وحبك لا اريد غير هذا فتعالى وأعرفنى عن قرب وتعالى يا كل الدنيا واعرفى من انا